LAOAG CITY – Naiget a kinondenar ti United Nations (UN) manipud ken ni UN Secretary-General Antonio Guterres ti naipataw a pannusa ti Estados Unidos kontra iti International Criminal Court (ICC).
Daytoy ket kalpasan ti mosion ni US President Donald Trump, pakairamanan ni US Secretary of State Marcio Rubio, a mapatawan ti pannusa ti Korte iti pangta a tulidenda ti International Criminal Court (ICC).
Mainaig iti daytoy, naalarma ni UN Secretary-General Antonio Guterres a kunana a dakkel nga addang ti desision ti Estados Unidos iti pananggun-odda ti hustisya iti international a lebel a kangrunaan nga akem ti International Criminal Court (ICC).
Nakipagmaymaysa met dagiti dadduma a pagilian a kas kadagiti pagilian nga United Kingdom, Denmark, Germany, France, Canada, Japan, Italy, at Netherlands.
Kabayatanna, inawat met ni Israel Prime Minister Benjamin Netanyahu ti pannakaipaay ti pannusa ti Estados Unidos kontra iti International Criminal Court (ICC) no sadinno a kunana a saan daytoy a legal a korte.
Segun met kadagiti sumagmamano nga eksperto ti United Nations, ti inaramid ti Estados Unidos iti panangikkat ti karebbengan dagiti biktima a mangnamnama iti International Criminal Court (ICC) tapno magun-od ti hustisia ken pagsungsungbatan manipud iti krimen a napasaranda.
