LAOAG CITY –Nagtataripnong dagiti miembro ti Liga ng mga Barangay ditoy probinsia maipanggep dagiti proyekto ken aktibidad para iti nabatbati a bulan ti 2026.
Pakairamanan kadagitoy ti preparasionda para iti Inabel Awards 2026, Liga ng mga Barangay week a maisayangkat ti aktibidad kas ti blood letting program, Christmas party, ken ti planoda nga ordinansa a Death Aide kadagiti kapadada nga agserserbi ti barangay a pimmusay, ken iti nakaiyusaran ti P100,000 a pundo manipud ti Malacañang para ti Project Development.
Inlawlawag ni Honorable Ryan John Pascua, ti Liga ng mga Barangay president dagiti isyu ti P100,000 a pundo a naipaay kadagiti nagduduma a barangay ti probinsia para iti Priority Project-da a daytoy ket pundo manipud iti Malacañang ket direkta a naipaay kadagiti barangay.
Kinunana a dagiti Kapitan ken opisyal ti barangay ti makammo no pangusaranda ti pondo no sadino a kageddan daytoy pinalagipanna dagiti kapitan nga usarenda iti nasayaat ti pondo.
Kabayatanna, segun kadagiti inbatad dagiti presidente ti Liga ng mga Barangay kadagiti nagduduma nga ili ken siudad ti probinsia ket adda ti gimmatang ti monoblock chairs, patrol vehicle, generator, laptop, ken dadduma pay a makatulong kadagiti bumarangay.
Innayonna a saan nga eksakto a P100,000 ti nausar manipud iti badyet, gapu ta adda dagiti dadduma a nangipundoan dagiti barangay nga aggatad ti P99, 800 ken sabali pay, no sadinno a nausar daytoy a pondo para iti pagsyaatan dagiti bumarangay.
