LAOAG CITY –Adda ti 12 nga indibidual ti natay iti maikatlo a panagatake ti Houthi iti international airport ti Riyadh.
Adda met ti sumurok 300 a nasugatan iti panagatake.
Pakairamanan kadagiti natay ket ti uppat a Saudis, dua manipud Bangladesh, ken saggaysa manipud US, Jordan, Palestine, Syria, Sudan, ken Egypt.
Gapu iti daytoy, insigida a naitaray ti balay pagagasan dagiti nasugatan a nailugan kadagiti ambulansia ken helicopter.
Addaan met iti kritikal a kondisiaon dagiti sumagmamano nga indibidual.
Maipalagip nga inatake pay ti Houthi ti King Khalid International Airport idi napan a lawas no sadinno nga uppat nga indibidual ti natay ken nangitunda ti nakaro a pannakadadael iti Saudi commercial plane a naka-parking iti tarmac.
Inkari met ti Saudi-led military coalition nga agsungbatda iti panagatake.
