LAOAG CITY – Inbasura ti Court of Appeals (CA) ti apela ti dati a mayor ti Bamban, Tarlac a ni Alice Guo a makaruar iti pagbaludan gapu ta inpetteng na nga iligal ti pannangarestar kenkuana ti Bureau of Immigration (BI).
Iti 7 a pinanid a desisyon ti dati a First Division ti Court of Appeals idi Oktubre 5, kinontra ti korte ti argumento ni Guo ken inlawlawag na a saan a ti Bureau of Immigration ti nangpatalinaed ken ti dati a mayor iti pagbaludan.
Basar iti appellate court, nakabalud ni Guo basar iti joint decision nga inpataw ti Pasig City Regional Trial Court Branch 167 gapu iti kaso a qualified human trafficking ken saan a gapu iti aniaman a warrant manipud iti Bureau of Immigration.
Innayon pay ti korte nga awan ti aniaman nga ebidensia wenno umdas a pagibarasan a mangipakpakita a linabsing ti pannakaibaludna iti karbengan na ti pangkonstitusion iti alisto a panangusig ken wayawaya.
Iti agdama, agtalinaed a nakabalud ti dati a mayor iti Correctional Institution for Women iti siudad ti Mandaluyong.
