LAOAG CITY – Rinibo nga indibidual a supporters ti oposisyon ti nagmartsa agingga iti Korte Suprema iti New Delhi idiay India tapno ipanawagan ti panagbaba ti election chief gapu iti maipagarop a pannakaswitik dagiti listaan dagiti botante.
Rinibo a security forces ti naiwaras iti lugar ken binarikadaan da dagiti kalsada tapno makontrol ti naawagan ti “March for Democracy”.
Adda met ti rinibo a demonstrador a naarestar ken nabalud.
Immunan a nangisumitir ni Congress leader Rahul Gandhi ti petisyon iti korte tapno kariten ti proseso no sadinno a minilyon a nagan ti naikkat iti listaan dagiti botante.
Ak-akusaran dagiti partido ti oposisyon a ti maipagarop nga addang ket nakabenepisyaran ti Bharatiya Janata Party (BJP) nga idaulwan ni Prime Minister Narendra Modi.
Naglikudan met ti Election Commission ken ti Bharatiya Janata Party ti nasao nga alegasyon.
