LAOAG CITY – Binilin ni Governor Cecilia Araneta Marcos ti mangidadaulo iti Metro Ilocos Norte Council a ni Mr. Al Joseph Rubio para iti pannakaisubli ti Night Express ditoy probinsya.
Segun iti gobernadora, ado dagiti department heads nga agkidkiddaw para iti pannakaisubli ti night express tapno adda latta ti pagluganan da nga agawid ken saan a kasapulan nga agarkila da ti tricycle.
Karaman pay dagiti agkalikagom a maisubli ti Night Express ket dagiti agtrabtrabaho kadagiti call centers ken mall ditoy probinsya.
Kabayatanna, inbatad ni Rubio nga agngudo metten ti ipatpatungpal da a “Libreng-Sakay” para kadagiti empleado ti gobierno ita a bolan ti Oktubre.
