LAOAG CITY – Inbatad ti aktres a ni Julia Barretto a saanen a mamati ti makunkuna nga “ideal age” no maipapan ti panagkasar.
Segun ken ni Julia, idi ub-ubing daytoy ket ti arapaap na a tawen a panagkasar na ket 25 ngem saan a napasamak, no sadinno nga agpapan ita ket nagtalinaed a single kalpasan ti panagsina da iti aktor a ni Gerald Anderson iti napalabas a tawen.
Kuna na a kalpasan a saan a natungpal ti arapaap na a tawen nga isu koma ti panagkasar na ket saanen a mamati pay iti pagsasao nga “ideal age” no di ket panawen laengen ti makaibaga no kaano a maikasar daytoy.
Inrakurak na a ti laeng kalikagom na ket ti makabiruk ti lalaki a pudno a mangipateg kenkuana.
Maipalagip nga a nagsina da Julia ken Gerald idi Setyembre 2025 ngem saanen a naidetalye no ania ti nagsinaan dagiti dua.
