Immabot iti 3.7 a porsiento ti tinawen nga inflation iti Estados Unidos iti bulan ti Setiembre manipud iti 3.4 a porsiento idi Agosto gapu iti alisto a panangngato ti presio dagiti kangrunaan a magatang ken serbisio.
Daytoy ket gapu iti panagngato ti presio ti produkto a petrolio a kangrunaan a rason ti panagngato iti inflation kagiddan ti agtultuloy a tension iti nagbaetan ti Estados Unidos, Iran, Russia, ken Ukraine.
Malaksid iti daytoy, ngimmato pay ti bayad dagiti renta ti pagtaengan ken dagiti ramit nga adda pakainaiganna iti artificial intelligence wenno AI infrastructure.
Gapu iti daytoy, dakdakkel manen ti posibilidad na a maipangato ti interest rate ti US Federal Reserve iti panagtataripnong ti ahensia ita a bulan ti Oktubre.
