LAOAG CITY – Temporario nga impaserra ti Malaysia dagiti pagadalan iti capital a Kuala Lumpur ken iti lima a kabangibang nga estado kalpasan nga immabot iti narisgo a lebel ti polusion ti angin gapu iti nabengbeng nga asuk manipud iti forest fires idiay Indonesia.
Naapektaran ti nasao a pammilin dagiti sumurok-kumurang dua a million nga estudiante kalpasan ti nairekord a 170 Air Pollutant Index (API) idiay Kuala Lumpur, ken idinto nga umabot met iti “very unhealthy” ti kalidad ti angin iti kabangibang a paglian ti Malaysia a Singapore.
Gapu iti daytoy, kinuna ni Malaysian Prime Minister Anwar Ibrahim a nakikoordinardan ken ni Indonesian President Prabowo Subianto para iti pannakabukel ti solusion ken aksion kabayatan ti panagkiddawna para iti maysa nga emergency meeting dagiti environment minister ti ASEAN.
