Balligi a naisayangkat iti kaunnaan a gundaway ti budget harmonization ti lokal a gobierno ditoy siudad ti Laoag.
Daytoy ket nakipartisiparan dagiti naguduma a mangidadaulo kadagiti pagopisinaan ken dagiti focal persons.
Segun ken ni Laoag City Mayor James Bryan Alcid, a manamnama a ngumato ti pakabuklan a budget ti siudad manipud P1.5 billion idi tawen 2025 ket ngimmato iti P1.6 billion ita a tawen a katukad ti 10 a porsiento.
Inlawlawagna a kangrunaan a naiyalokaran ti budget ket ti social services kas tulong a maipaay para kadagiti agtutubo partikular ti scholarship ken kadagiti senior citizen para iti milestone award dagitoy.
Impasiguradona a no maka-comply dagitoy kadagiti kasapulan a dokumento ket makaawat da iti tulong a nailatang para kadakuada manipud iti lokal a gobierno.
Innayonna a ti nasao nga aktibidad ket naisayangkat tapno maplano ken maipaay ti umno a serbisio para kadagiti umili.
