Nagballaag dagiti eksperto kontra iti sakit a Respiratory Syncytial Virus a ti kangrunaan a puntirya na ket dagiti ubbing wenno maladaga.
Segun ken ni Dr. Anna Ong-Lim, maysa a pediatric infectious diseases expert, ti kangrunaan a map-apektaran ti sakit ket dagiti lima a bolan a maladaga agingga iti agtawen ti lima nga ubing.
Inlawlawag na a ti tamtamaan ti Respiratory Syncytial Virus ket ti airways ken bara a mabalin nga agtungpal iti respiratory illness kas ti pneumonia ken lung infection no saan a malapdan.
Kuna ti doctor nga awan pay unay ti impormasyon da maipanggep ti panglapped iti Respiratory Syncytial Virus isut gapuna a ti dakkel a karit ket no kasanu a maestablisar da iti pakaidumaan daytoy iti dadduma pay a respiratory diseases nga agpapada ti sintomas.
