LAOAG CITY – Kinondenar ni dati a Senador ken agdama a Department of Labor and Employment (DOLE) Secretary Francis Tolentino ti nagbalin a rakurak ni Chinese Ambassador to the Philippine Jing Quan no sadinno kunana a saan a nalabes ken saan a maiyannatop iti nakadawyan nga ugali ti maysa a diplomat.
Sinuportaran ni Tolentino ti panangkondenar ti gobierno ken panangawag ni Presidente Ferdinand Marcos Jr. iti Chinese envoy tapno pagsungbaten iti nagbalin a rakurakna.
Inpaganetgetna pay a rumbeng laeng a respetaren ni Quan ti pagilian, dagiti linteg ken ti akemna a panagtalinaeden a nauros ti relasion ti dua a pagilian kas pannakabagi ti China.
Malaksid iti daytoy, inbatadna a tingtingitingen ti Ministry of Foreign Affairs ti China ti nagbalin a rakurak ti ambassador-sa.
Mainaig iti daytoy, kinanunungan met ti sekretario a panunoten ti posibilidad nga ideklarar a persona non grata ni Quan, kagiddan ti panawagan a kitaen ti diplomat ti nagbalin a rakurakna.
Maipalagip a dati a senador ni Tolentino ken nagbalin nga aktibo iti panangilungalong kadagiti maipanggep iti West Philippines Sea.
