Inadmitir ni Department of the Interior and Local Government Secretary Jonvic Remulla nga aglemlemmeng idiay Mindanao ni Senador Ronald ‘Bato’ Dela Rosa.
Inbatad ti opisyal a ni dela Rosa ket protprotehiran ti naimpluwensya a grupo.
Kuna na nga agtultuloy ti ar-aramiden da a negosasyon iti grupo a mangprotprotehir ti senador tapno maliklikan ti aniaman a nadara nga engkuwentro.
Innayon na a mabalin nga umabot iti 10,000 a tattao ti matay no adda ti mapasamak nga engkwentro iti nagbaetan dagiti otoridad ken ti grupo a mangsalsalaknib iti senador.
Immunan nga inbatad ni Remulla a mabalin nga agtungpal iti nadara nga engkuwentro no ipilit dagiti otoridad a serken ti kuta a maipagarop a paglemlemmengan ni senador dela Rosa gapu ta dati daytoy nga hepe ti Philippine National Police (PNP).
Ti Senador ket addan ti warrant of arrest manipod iti International Criminal Court gapu iti crime against humanity gapu ta isuna ti hepe ti PNP idi panawen ti kampanya kontra iligal a droga ni dati a Presidente Rodrigo Duterte.
