LAOAG CITY – Saan a mabuteng ni House Senior Deputy Minority Leader ken Mamamayang Liberal Party-list Rep. Leila De Lima nga inraman daytoyen iti listaan ti Chinese Embassy kalpasan nga inpettengna a nasken a patalawen iti pagilian ni Chinese Ambassador Jing Quan.
Inbatad ni De LIma nga awan ti planona nga ipaikkat ti naganna iti listaan dagiti mangikalkalintegan para iti soberanya ken nailian nga integridad.
Maysa a pammadayaw para ken ni De Lima a mairaman iti listaan dagiti saan a mabutbuteng kadagiti inuulbod ken propaganda ti China.
