LAOAG CITY – Agtultuloy ti adbokasiya ni Kuya Kim Atienza a mental health awareness kas pananglagipna iti anakna a ni Emman a pimmusay idi Oktubre 22 idi napalabas a tawen iti tawenna a 19.
Iti umuna nga anibersario ti pannakatay ni Emman, inpakita ni Kuya Kim iti Instagram page-na ti Better Days, maysa a surat para iti anak, kageddan ti pannakaisayangkat ti ‘Better Days: A Youth Mental Health Caravan,” maysa a programa tapno makaited ti suporta kadagiti agtutubo a Pilipino.
Iti babaen ti programa a Better Days, mangnamnama ni Kuya Kim nga ado nga agtutubo ti makalasat iti aniaman a paspasarenda a problema iti biag babaen ti panagkiddawda ti tulong manipud kadagiti sabali a tao.
