Nagisumitir dagiti opisial iti Presidential Communications Office, pakairamanan ni Claire Castro ti courtesy resignation-da kalpasan ti panagsukat ti panangidaulo iti ahensia iti kallabes.
Naamoan a daytoy ket standard procedure kalpasan ti leadership transition.
Nupay kasta, inbatad ni newly appointed Presidential Communications Office Secretary Lino Cayetano iti media ita nga aldaw, Oktubre 23 nga agtalinaed ni Castro iti puestona kas undersecretary.
Kunana pay a maysa “treasure” ni Castro iti gobierno.
Maipalagip a nagisumitir ni Castro ti courtesy resignation idi Hulio 2025, idi panawen a nagakem ni Dave Gomez, ngem nagkedkedan daytoy a nangpatalinaed iti undersecretary iti puesto.
Kabayatanna, ni Cayetano ket nagakem kas mangidaulo iti Presidential Communications Office leadership idi Oktubre 11. Daytoy ket maikainnem a Presidential Communications Office chief iti babaen ti Marcos administration.
