Naglikudan ni Technical Education and Skills Development Authority (TESDA) Secretary and Director General Jose Francisco Benitez, ti alegasion ni Senator Panfilo Lacson a nangi-diaya daytoy ti P5-milyon nga allocation fund iti Senador.
Segun kenkuana, awan ti imbilinna a mangi-diaya ti aniaman nga alokasion nga aggatad ti P5-M iti nasao a Senador.
Impettengna pay a saludo daytoy iti panangidaulo ti Senador kangrunaan iti transparency ken accountability.
Inbatadna a nangiwayat daytoyen ti imbestigasion iti nasao nga alegasion ni Lacson.
Maipalagip nga inbutaktak ti Senador nga adda maipagarup nga imbilin ni Benitez a nagturong iti opisina na ken nangidiaya ti nasao nga alokasion.
Impasigurado ni Lacson nga ibutaktak na pay tin an-anay a detalye no matalantan ti budget ti TESDA.
