Inlawlawag ni Ms. Sharon Estigoy, Director iti Technical Education and Skills Development Authority wenno TESDA – Ilocos Norte a dagiti nakaturpos iti programada a micro-credentials ket saanna kayat a sawen nga otomatiko a makagun-od dagitoy ti National Certificate II wenno NC2.
Segun kenkuana, dagiti micro-credentials a programada ket pakabuklan laeng ti lima nga aldaw no sadinno fundamentals ken basic training laeng iti maipapaay kadagiti learners-da no sadinno mabalin pay daytoy a modular wenno flexible learning.
Daytoy ti inbatad ni Estigoy kalpasan ti panagturpos ti 25 nga indibidual iti maysa kadagiti micro-credential programs-da a mainaig iti Respond to Emergency.
Kunana a no kalikagum dagiti nagturpos ti micro-credential iti makagun-od iti Caregiving NCII Certificate ket kasapulanda nga ituloy ti panag-training-da babaen iti panag-enroll-da iti Caregiving NCII no sadinno a ti inadalda iti micro-credential a Respond to Emergency ket maysa laeng kadagiti competencies a kasapulan ti nadakamat a sertipikasion
Inpakaammona a 99 nga aldaw ti kababaan a bilang ti aldaw ti training duration kadagiti programada tapno makagun-od iti nadakamat a sertipikasion.
Kalpasan iti 99 nga aldaw ket adda ti manamnama a maisayangkat nga assessment kadagiti naka-enroll no sadinno maited laeng ti national certificate no makapasada.
Iti agdama, ginutigot ni Estigoy dagiti indibidual kas dagiti overseas Filipino Worker (OFW) nga awan ti plano nga agsubli iti ballasiw taaw, dagiti out-of-school youth, ken dagiti kalikagumna a papintasen ti abilidadda wenno makasursuro ti baro nga abilidad a gundawayanda dagiti programa ti Technical Education and Skills Development Authority (TESDA).
