LAOAG CITY – Inpakaammo ni Mrs. Sharon Estigoy, Provincial Director ti Technical Education and Skills Development Authority nga adda ti 200 nga slots para iti Early Childhood Care Development Services.
Segun kenkuana, daytoy ket para kadagiti mangisursuro iti daycare wenno kindergarten.
Inbatadna a prioridad dagitoy a suroan kadagiti nagduduma nga adal tapno maaddaanda ti National Certificate III.
Malaksid iti daytoy, kunana nga adda pay ti barangay electricians nga idiaya iti opisinada.
Innayonna a daytoy ket iti pannakalukat ti electrical installations National Certificate II no sadinno a maysa daytoy kadagiti kalikagum ni Congressman ken House Majority Leader Sandro Marcos a maaddaan dagiti electrician ti National Certificate iti umuna a distrito.
