Naipaadal ti panangpabileg ti violence against women desk kadagiti opisial ti barangay ditoy siudad ti Laoag.
Daytoy ket babaen ti agtultuloy a panangipatungpal ti “Capacity Training and Workshop on Social Protection Laws.”
Agbibinnulig ti City Government, Liga ng mga Barangay, City Social Welfare and Development ken Department of the Interior and Local Government ti pannakapabileg ken pannakaipaadal ti akem dagiti Violence Against Women (VAW) Desk Officer kadagiti barangay ditoy siudad.
Gagem ti nasao nga addang ket tapno mapagsasaritaan dagiti wagas ken paglintegan iti panangtratar kadagiti maidatag a kaso iti barangay ken maprotehiran ti karbengan iti tunggal maysa.
Inpanamnama ti gobierno lokal ditoy ciudad ti agtultuloy a pannakatratar dagiti nagduduma nga isyu ken problema a pakairamramanan dagiti babbai.
