Rugyan ti Land Transportation Office (LTO) ti mangibabawi ti lisensya dagiti driver a maduktalan nga adda iti impluwensya ti nasanger kabayatan ti panagmaneho da intono Nobyembre 15.
Naiparuk-at ti nasao a pammilin kalpasan ti manamnama a panagirot ti taray ti trapiko kabayatan nga umas-asideg ti paskua ken baro a tawen.
Inpetteng ni Land Transportation Office chief Assistant Secretary Markus Lacanilao, masapol a paigetan ti panangipatungpal ti linteg kontra kadagiti nakainom ti arak a driver kas maiyataday iti Anti-Drunk and Drugged Driving Act of 2013.
Nupay kasta, kuna ni Lacanilao a mabalin paylaeng nga iyapela ti pannakaibabawi ti lisensya gapu ta dumalan met iti proseso ti korte dagiti manglabsing iti nasao a pagannurutan no sadinno nga iggaman ti LTO Intelligence and Investigation Division ti kaso ken maiyuswat dagiti panagdengngeg sakbay a maiparuk-at ti resolusyon.
Segun pay ken ni Lacanilao, mabalin met nga agbalin aa permanente ti panangibabawi ti lisensya kadagiti nakarkaro a sitwasyon.
