Sumango iti sabali manen a karit ni Pinay tennis star Alex Eala iti agtultuloy a pannakilaban na iti 2026 Pan Pacific Open idiay Tokyo.
Daytoy ket gapu ta kalpasan ti panangabak na iti laban da ken ni Talia Gibson ti Australia iti score a 4-6, 6-2, 6-0 ket nakastreken iti quarterfinals.
Sumaruno a makasango na ti World number 13 a ni Diana Shnaider ti Russia.
Linagip ni Eala ti laban na ken ni Gibson no sadinno a ti laeng nagbalin a sikreto na tapno mangabak ket ti saan a basta sumuko.
Maipalagip nga iti napalabas ket inabak ni Shnaider ni Eala iti Ningbo Open iti score a 7-5 ken 6-4.
Namnamaen nga ipakita ti agtawen ti 21 a ni Eala ti isusubbot na iti panagsango da manen iti Russian tennis player.
