Nagballaag ti toxic watchdog a BAN Toxics kadagiti nagannak ken consumers kontra iti panaggatang ken panagusar dagiti unauthorized squishy toys gapu iti possible a risgo iti salun-at dagiti ubbing.
Dinakamat ti grupo dagiti produkto nga “Squishy Delicious”, karaman ti Blue ken Green variants, nga immunan a naipaayan ti public health advisory ti Food and Drug Administration (FDA).
Segun kadagiti BAN Toxics, awan ti kasapulan a Certificate of Product Notification (CPN) dagiti nasao nga ay-ayam isut gapuna a saan a masigurado ti FDA ti kalidad ken kinatalged dagitoy.
Nagballaag pay ti grupo a possible a maaddaan ti health risks manipod kadagiti ramen a saan nga ipalubos ti toys ken childcare products, malaksid iti risgo ti choking wenno suffocation manipod iti babassit a paset wenno perdisyon na.
