Inartapan ti Washington Wizards ti Charlotte Hornets iti low-scoring match-da ita nga aldaw, Oktubre 31.
Indauloan ni bigman Anthony Davis ti balligi ti Washington ken nakagun-od ti 21 a puntos ken 9 nga assista ti ambag ni sharpshooter a ni Trae Young.
Uray pay nagbalin a rinnussuat ti laban iti baet ti dua a team iti 1st half, insigida nga immarangkada ti Wizards iti 3rd quarter ken nangipaay ti 28 a puntos kontra iti 13 a puntos ti Hornets.
Gapu iti daytoy, iggem ti Washington ti 19-point lead iti panagleppas ti nadakamat ti quarter isu nga saan unay pinagay-ayam dagiti star player iti maudi a quarter.
Insigida met a nakakamat ti Hornets iti 4th quarter ngem nagleppas metlang ti laban iti score a 95-79 a pabor iti Washington.
Kabayatan ti pannakapaay ti Charlotte, nagbalin a napintas ti naipakita a performance ti sentro ti koponan a ni Moussa Diabate a nangipaay ti lima a field goals manipud iti 11 shots nga inyuswatna.
Nagleppas daytoy iti 10 a puntos, 12 a rebounds ken dua nga steal.
Daytoyen ti maikatlo a balligi ita a season ti Washington, iggem pay ti tallo a pannakapaay ken agpada a kartada ti iggem ti Hornets.
