LAOAG CITY – Nagwaras metten idiay Germany dagiti tignay-protesta gapu iti ngumin-ngina a magastos iti panagbiag a nangrugi idiay France.
Naiyuswat dagiti tignay-protesta kagiddan ti Halloween no sadinno a rinibo a tattao ti nagtitipon iti intero a pagilian.
Ti baro a German youth-led movement a naawagan ti “Gen Z ket karaman kadagiti nangisayangkat ti tignay-protesta kontra iti nangina unay a magastos iti panagbiag, kinakurang ti pondo kadagiti pagadalan ken unibersidad, kumarkaro a problema iti aglawlaw ken ti kaadda ti potensyal a pannakaipatungpal ti mandatory a military service.
Naiyuswat dagiti tignay protesta kadagiti kangrunaan a ciudad a pakairamanan ti Berlin, Frankfurt, Cologne ken Munich.
