LAOAG CITY – Inpakaamo ti depensa ti saan a panagatendar ni dati a Presidente Rodrigo Duterte iti maika-lima nga Status Conference-na iti International Criminal Court (ICC) a naikeddeng iti Nobiembre 2.
Iti dokumento nga inpila ti depensa idi Oktubre 30, inpakaammo ni Duterte nga ibagian isuna ti abogadona iti panagdengngeg.
Idi Oktubre 29, pinalubosan ti ICC Trial Chamber III ti nagbalin kiddaw ti depensa, no sadinno a nabilin dagitoy nga isubmitir ti napirmaan a waiver.
Babaen iti nasao a waiver, inpaayan ni Duterte ti pammalubos ti legal team-na a mangiggem kadagiti aniaman a madakamat iti status conference.
Kabayatanna, saanen a personal nga agatendar ni Duterte kalpasan nga inaprubaran ti korte ti kiddaw ti depensa a ma-exempt ni Duterte iti nasao a panagdengngeg.
