Nagpalagip ti Department of Labor and Employment (DOLE) kadagiti employer ti umno a pasueldo ita nga aldaw ti Nobiembre 2 wenno ti All Soul’s Day a naideklarar kas Special non-working Day.
Iti Labor Advisory 18 ti Department of Labor and Employment (DOLE), a naipatungpal ti “no work, no pay.” Kabayatan a dagiti empleado a sumrek ket mabayadan ti kanayonan a 30 a porsiento iti inaldaw a sueldo iti uneg ti walo nga oras.
No aglabes ti walo nga oras ket mabayadan dagiti empleado ti kanayonan a 30 a porsiento iti kada oras ti iseserrek.
Kabayatanna, no naikeddeng a day-off ti maysa nga empleado ngem pinastrek iti kompania ket mabayadan daytoy ti kanayonan a 50 a porsiento iti inaldaw suelfo iti umuna a walo nga oras. Idinto a no naglabes iti walo nga oras ket mabayadan daytoy ti kanayonan a 30 a porsiento iti inaldaw a sueldo.
