Umabot iti walo a tattao ti natay a pakairamanan ti maysa nga ubing iti Israeli strikes iti Gaza.
Ti panagraot iti lugar ket napasamak iti baet ti maipatpatungpal a ceasefire.
Basar ti report, pinuntirya ti missile attack hit ti grupo dagiti sibilyan iti Cairo School iti Al-Rimala nakatayan ti tallo nga indibidual a nakairamanan ti agtawen ti 4 nga ubing a lalaki.
Iti met abagatan ti Khan Younis, inrakurak ti Hamas-run ministry of interior a ti drone attack ket pinutirya na ti grupo dagiti police officers iti Al-Mawasi area, a nakatayan ti lima a mangipatpatungpal laeng ti trabaho da.
Maipalagip a nangrugi a naipatungpal ti ceasefire iti Gaza idi Oktubre iti napalabas a tawen ngem agtultuloy latta ti ipatpatungpal a panagraot ti Israel.
