Ginutigot ti Commission on Human Rights ti gobierno kasta payen dagiti amin a sektor ti naiget a pannakaprotehir ken panangaywan kadagiti ubbing kageddan ti panagselebrar ti National Children’s Month ita a bulan ti Nobiembre.
Basar iti CHR, kasapulan a masigurado a maprotehiran dagiti ubbing babaen ti panagbalin a nakasagana sakbay, kabayatan, ken iti panagleppas dagiti emerhensia.
Impetteng pay ti ahensia a ti panangaywan kadagiti ubbing ket kasapulan a sapasap ken awan ti mabati kangrunaan kadagiti adda ti diperensia na.
Nagpannawagan pay ti komision a napateg ti pannakaipatungpal ti proteksion kadagiti ubbing kontra kadagiti online sexual abuse ken exploitation.
