Nangiyuswat ti Department of Labor and Employment (DOLE) ti hotline 15/30 a gagemna ti mangidiaya ti insigida a tulong kadagiti trabahador nga agkasapulan ti tulong.
Daytoy ket mangsukat iti dati a 1349 servie.
Mainiag iti daytoy, ti baro a numero ket nakaibasar iti 15th ken 30th monthly paydays.
Agoperar ti baro nga hotline iti las-od 14 nga oras ken pito nga aldaw ti maysa a lawas tapno mangtulong kadagiti problema dagiti agtrabtrabaho mainiag kadagiti pagtrabahoanda kas iti pannakaitantan ti sueldo ken benepision.
Mabalin pay nga agpatulong wenno agreklamo dagitoy iti illegal a pannakaikkat ti trabaho ken saan nga umno wenno patas nga standards iti patrabahoan.
Pakairamanan ditoy dagiti occupational safety and hazards ken ti pangta ti nakaro a kinabara iti panawen.
