Rinugyan ni Pinay tennis star ken agdama a World No. 17 WTA Alex Eala iti panangabak ti kampanya na iti Hong Kong Open kalpasan nga inabak na ti Australian player a ni Emerson Jones, iti score a 6-4, 6-3, iti Round of 32 iti Victoria Park Tennis Stadium.
Naikeddeng koma a makasango ni Eala ti American player a ni Alycia Parks, ngem nagsanud daytoy iti torneo sakbay ti laban da.
Gapu iti daytoy, simrek kas lucky loser ni Jones, a naabak iti qualifying round.
Dagus nga inpakita ni Eala ti agresibo nga ay-ayam na iti umuna a set, no sadinno a dagus a nakairekord ti lamang iti score a 3-0, ngem ni nakasubbot met ni Jones iti babaen ti nagsasaruno a service breaks tapno makaasideg iti iskor.
Napagtalinaed met ti Filipina tennis star ti bentahe na ken nagun-od na ti umuna a set, iti iskor a 6-4.
Ad-adda pay a nagbalin a kontrolado ni Eala ti maikadwa a set kalpasan a nakairekord ti napapateg a breaks ken limmamang ti 4-1.
Iti Round of 16, sumaruno a makasango ni Eala ni Tereza Valentova manipod Czech Republic nga addaan ti 2-0 a bentahe iti head-to-head record da iti WTA Tour.
