LAOAG CITY – Kontroladon ti Democratic party ti Senado ken ti Kamara de Representates ti Estados Unidos kalpasan a nairekord ti nagsasaruno a panangabak ti nasao a partido kadagiti estado a nabayagen a baluarte ti Republicans.
Mainaig iti daytoy, naipakita iti resulta ti eleksion ti pannakapaay dagiti minilyon a botante iti liderato ni United States President Donald Trump, no sadinno a dagiti residente kadagiti lugar a nangsuporta kenkuana iti napalabas nga eleksion ket immakar da iti Democrat.
Karaman kadagiti rason ti panagbaliw ti sentimiento dagiti botante ket ti pannakiraman ti Estados Unidos iti rinnupak iti Iran, panagngato ti presio dagiti magatang ken ti maipagarop a mapadismaya a panangidadaulo ti agdama nga administrasion.
Kabayatanna, manamnama ti panangiwayat dagiti Democrats iti imbestigasion kontra iti administrasion ni Trump, kabayatan a mabalin met a paisardeng ti Senado dagiti sumagmamano a presidential appointment ken dagiti dadduma pay a linteg nga inpatungpal ti Presidente.
