Makikaysa ti City Social Welfare and Development Office iti selebrasion iti maika-34 a tawen iti National Children’s Month ditoy pagilian.
Daytoy ti inpakaammo ni Mrs. Perlita Cabello, mangidadaulo ti City Social Welfare and Development Office ditoy siudad ti Laoag.
Kuna na a ti tema iti National Children’s Month ket “Manindigan! Tumugon at Kumalinga: Sa Batang Handa, Mas Ligtas and Bansa.”
Inbatad na a gapu ta maibilang kas child-friendly city iti siudad ti Laoag ket isu ti mangpatibker ti gagem da nga adbokasia ti karbengan, kinatalged, ken pannakatagiben dagiti ubbing a residente ditoy siudad.
Innayon na pay a babaen ti natalged a komunidad ket maipasigurado ti nasayaat a masakbayan ken panagdakkel dagiti ubbing.
Mainaig iti daytoy, inbatad na nga adda ti nagduduma nga aktibidad a maisayangkat intono Nobiembre 10 iti city hall pakairamanann ti singing, dance, draw and tell competition ken dadduma pay nga aktibidad a pakaitampokan dagiti talento ken kinalaing dagiti ubbing.
Inpakaammo na a dagitoy nga aktibidad ket pakipasetan dagiti nagduduma a daycare centers ditoy siudad no sadinno a ti tunggal kompetision ket addaan ti lima a mangibagi manipod kadagiti daycare centers.
