LAOAG CITY – Naburak ti maysa a grupo idiay India ti world record kalpasan ti panagtutuonda tapno makaaramid ti kangatoan a human pyramid iti intero a lubong.
Ti Kokan Nagar Govinda Pathak ken Sanskruti Yuva Pratishtan Trust ket nabuongda ti nasao a record kalpasan ti inaramidda a 10 a lebel iti maysa a public event iti Thane, no sadinno dagiti nasao a grupo ti kaunaan a nakaaramid ti human pyramid nga immabot iti 10 a lebel kalpasan ti world record a 9 levels a nabayag a saan a naartapan iti adu a dekada.
Mainaig iti daytoy, ti record-breaking pyramid ket addaan ti kangato a 14.73 a metro wenno 48 a kadapan ken 3.92 a pulgada a katukad ti tallo a kadsaaran a pasdek.
