LAOAG CITY – Inlawlawag ni Atty. Kid Casto, maysa a Criminal Law Professor ti pakasaritaan ti Animal Welfare Act wenno RA 8485.
Segun kenkuana, daytoy ket maysa a linteg a mangprotehir kadagiti taraken a dingwen manipud iti saan a nasayaat a panangtratar, panangparti, wenno panangpapatay.
Inbatadna a daytoy ket ti panangipaay ti nasayaat a pagtaengan, panangpakan, ken umno a panangaywan.
Pakairamanan ditoy ti panangsaluad kadakuada manipud ti aniaman a panang-dangran, panangipaay ti wayawaya manipud ti panagbuteng, stress, ken aniaman a mangitunda ti discomfort iti dingwen.
Kinunana a no siasinno man ti mangdangran, mangpapatay, ken mangipaay ti rigat iti dingwen ket adda pagsungbatanna iti linteg.
Innayonna a daytoy ket mangitunda ti animal cruelty no sadinno nga adda dagiti nagduduma a pannusa a sangoen ti siasinno man a mapaneknekan a nang-maltrato iti dingwen.
Malaksid iti dayoy, kunana a segun iti obserbasion na, adda dagiti addang nga araramiden ti lokal a gobierno ngem saan nga umdas daytoy no awan ti kooperasion dagiti akin kukua ti dingwen.
Impettengna a ksapulan nga agbalin a responsible dagiti agtartaraken no agkalikagom nga agtaraken iti dingwen ken nasaysayaat no saanen nga ituloy no saan a kabaelan ti responsibilidad.
