LAOAG CITY – Natukbob ti maysa a 10 wheeler truck ti likodan ti maysa a van iti paset ti Sitio Nagabungan, Barangay Davila iti ili ti Pasuquin.
Segun ken ni P/Maj.Sheryll Guzman, agpada nga agturong ti dua a lugan iti abagatan a direksion idinto a kellaat a natukbob ti truck iti likudan ti van a nangitunda ti panagtulid daytoy a rason pay ti pannakaiwarang dagiti niyog.
Apaman ti panagresponde ti kameng ti Philippine National Police (PNP) Pasuquin, naakala ti sumagmmano a gasgas ti driver ti van ken awan met ti sinagaba ti driver ti truck.
Kabayatanna, segun ken ni P/Maj. Guzman, nagtulag dagiti dua ti panaginnareglo da iti napasamak.
Naamoan a napaspas ti panagpataray ti 10 wheeler truck a nangitunda ti pannakatukbob na iti likodan ti van.
