Kalikagum a palawaen ti Bureau of Immigration ti electronic immigration gates kadagiti arriving ken departing passengers kadagiti eropuerto.
Basar iti Bureau of Immigration, saanen a kasapulan iti face-to-face interviews dagiti pasaheros isu a mabalinen nga agturong iti automated screening iti babaen ti electronic gates wenno E-gates.
Malaksid iti daytoy, tapno masigurado ti seguridad, tingitingen manen dagiti immigration officer dagiti indibidual a na-flag wenno namarkahan ii sistema.
Inpetteng pay ni Transportation Secretary Vince Dizon a rumbeng laeng a sumurot ti Pilipinas iti international standards tapno ad-adda a mapaalisto ken maurnos ti panagbiahe dagiti pasahero.
Gagem ti inisiatibo a paalistoen ti immigration processing, makissayan ti passenger queues ken ad-adda a mapatibker ti airport security.
Kabayatanna, nakumpleto dagiti sumagmamano nga E-gates expansion iti Clark, Cebu ken Davao. Idinto nga agdama ti pannakaproseo ti panagala ti sumagmamano a ramit para iti naikeddeng a second phase kadagiti provincial international airports.
