Napaay a nagun-od ni Pinay Tennis star Alex Eala iti maikadua kuma a WTA title-na kalpasan a naabak daytoy ken ni world No. 102 Claire Liu iti finals ti Hong Kong Tennis Open iti score a 3-6, 0-6 idi kalman, Nobiembre 8.
Gapu iti daytoy, nagleppas daytoy kas runner-up iti maudi a torneo na ita a season.
Nagbalin nga head-to-head wenno naasideg ti laban ti dua iti umuna a paset ti 1st set agingga a nagkiddaw ti medical timeout ni Eala iti score a 3-4.
Kalpasan iti daytoy, nagun-od ti American tennis player ti maudi a dua nga ay-ayam tapno makalamang.
Manipud ditoy, saanen a nagpasardeng ni Liu ken nagun-odna ti kampeonato.
Ni Liu ket nagbalin a kaunaan nga Amerikana a nagkampeon iti Hong Kong Open.
