LAOAG CITY – Nakaawat ti pammadayaw dagiti nagduduma nga ahensya ti gobierno, local government units ken media partners ditoy probinsia kabayatan ti employment and workforce excellence program.
Ti nasao a programa ket naisayangkat kas pammigbig kadagiti nagduduma nga ahensya , ocal government units ken media ti dakkel a partisipasion da iti adadda pay a pannakapatibker ti panagkaykaysa ken panagkikinammayet iti komunidad.
Mainaig iti daytoy, karaman kadagiti napadayawan ket ti DZVR Bombo Radyo, gapu ti naiget a pannakikammayetna ti Provincial Employment Office.
Gapu iti tulong ti nasao a radio station ket alisto ti pannakaiwaragawag dagiti aktibidad ken napateg a pakaammo ti opisina maipanggep kadagiti panggedan a mabalin a gundawayan dagiti kakailian.
Kabayatanna, dinayaw ni Vice Governor Matthew Marcos Manotoc ti Provincial Employment Service Office ken dagiti nagduduma nga ahensya ti gobierno pakairamanan dagiti media.
