LAOAG CITY – Ginutigot ti Malakanyang dagiti estudiante nga agipasa ti position paper ken pagsaritaan dagiti pagdandanagan da iti nailungalong a Pax Silica Economic Security Zone ti Estados Unidos.
Basar iti palasyo, masapol nga idetalye iti position paper dagiti pagdandanagan da tapno mapagsaritaan daytoy ti point by point.
Immunan iti daytoy ti pannakaiyuswat ti campus walkout ti nagduduma a grupo dagiti estudiante kadagiti unibersidad kas protesta iti panagsangpet ni US President Donald Trump ditoy pagilian iti 2026 ASEAN Summit ken US-led Pax Silica initiative.
Kabayatanna, impakaammo ti palasyo nga ammo ni Presidente Marcos dagiti kastoy a tignay-protesta kontra iti Pax Silica ken imbilinna kadagiti otoridad a pagtalinaeden ti maximum tolerance
