Naitaray ti maysa a red-shouldered hawk iti Virginia diay Estados Unidos iti
sa Southwest Virginia Wildlife Center kalpasan a nakita a saan a makatayab ken nakaedda laeng dayoy iti maysa a kalsada.
Inpagarup dagiti staff iti Wildlife Center nga adda sakit wenno sugat iti hawk ngem basar iti X-ray ken bloodwork, awanan ti injury ti billit.
Segun ken ni Katherine McGrath, director of operations ti Southwest Virginia Wildlife Center, a ti diagnosis iti narespondean a billit ket nalukmeg lang unay daytoy.
Mainaig iti daytoy umabot iti 910 gramo ti hawk, agarup doble ti gagangay a dagsen ti kastoy a klase ti billit.
Naamoan iti imbestigasion a ti namunganayan na daytoy ket ti hilig na nga agtiliw ti nawaya a manok iti sumagmamano a pagtaengan, isu nga nangrugi a mapukpukaw dagiti sumagmamano a manok sakbay ti pannakabirok da iti hawk.
Iti agdama, manarimaan ti pannakataming ken dumaldalan iti diet ken exercise ti nalukmeg a billit iti wildlife center.
Kabayatanna, manamnama a mawayawayaan daytoy iti uneg ti sumagmamano a lawas.
