LAOAG CITY – Posible a saanen a makapagpaset ni Miss Universe Zimbabwe Roseanna Hall ken dagiti sumagmamano a kandidata manipud idiay Africa iti maika 75 nga edision ti Miss Universe pageant gaputa marigatanda a makaala ti US visa.
Segun ken ni Hall, mabalin a saan daytoy nga agtuloyen iti nasao a kompetision gapu iti umadanin a pannakaisayangkat ti kompetision a manamnama a mapasamak intono Nobiembre 24, no sadinno kinunana nga agpapan ita, awan pay ti naalana a US visa.
Malaksid ken ni Hall, inbabawin ti Zambia ti kandidatada gapu iti kapada met laeng a problema.
Iti baet daytoy, nangrugin ti panagsangpet dagiti sumagmamano a kandidata manipud iti nagduduma a pagilian idiay Puerto Rico para iti panagparehistro, panangipadas kadagiti bado ken ti panangkita iti manamnama a venue ti kompetision.
Kabayatanna, ti Zimbabwe ti maysa kadagiti 19 a pagilian a napatawan ti partial US travel restrictions iti salinong ti Presidential Proclamation 10998.
Ti nasao nga addang ket mangsussuspenso iti panangipaay ti visitor, student ken exchanges visas, pakairamanan payen ti immigrant visas kadagiti naapektaran a pagilian
