Inanunsio ti Microsoft ita nga aldaw ti Sabado, Nobiembre 14 a naisublin dagiti serbisio da iti Teams ken Outlook ken dadduma pay a produkto ken nileppasen ti global outage a nanglapped kadagiti online a komunikasion para kadagiti negosio ken gobierno iti sumurok 24 nga oras.
Inbatad na nga adda iti likudan ti insidente dagiti isyu iti server a nakaapektar pay iti Copilot AI assistant-na ken awan ti mabigbig a malicious activity.
Mainaig iti daytoy, innikkat na ti AI a nangitunda ti outage.
Ti Outlook ken Teams ken dua kadagiti napalawa nga us-usaren nga application kadagiti lugar ti trabaho nga addaan ti minillion nga users.
Nilappedaan ti panagawan ti serbisio dagiti tao nga agtratrabaho ti napapateg nga akem kas ti panangipatulod ti email, panangurnos dagiti kalendario ken panag-ho-host dagiti virtual a meeting.
Naapektaran pay ditoy dagiti ahensia ti gobierno manipud Australia ken Japan agingga Estados Unidos, nangitunda pay daytoy ti pannakatantan kadagiti trading firm, nalappedanna pay ti sumagmamano a kompania iti panangipublikar dagiti nagsapulan ken nangtignay kadagiti airline a nagballaag kadagiti customer mainaig iti pannakatantan iti komunikasion.
Kabayatanna, natalged met dagiti organisasion nga ag-ho-host dagiti serbisio ti Microsoft dagiti bukod da a server imbes nga iti cloud.
