Nagbalin a naurnos ken pakabuklan a nakappia ti panaglukat ti 49th ASEAN Summit and Related Summits idi kalman, Nobiembre 15 iti tengnga ti pinaigetan a seguridad ti Philippine National Police (PNP) para iti panagsangpet dagiti lider ken delegado manipud iti nagduduma a pagilian.

Binigbig ni Philippine National Police (PNP) General Jose Melencio Nartatez Jr. dagiti pulis ken kabinnulig nga ahensia ti naurnos a panaglukat ti summit ngem inpetteng na a masapul nga agtalinaed nga alerto gapu ta naikeddeng pay laeng ti kangrunaan nga aktibidad ti panagtataripnong ita nga aldaw, Nobiembre 16 agingga 18.

Dinutukan na pay dagiti unit ti pulis nga ituloy ti naiget a koordinasion, pagtalinaeden ti presensia dagiti pulis ken siguradoen ti nasapa a panagsungbat ti aniaman a pangta iti seguridad.

Addan iti Full Alert Status dagiti unit ti Philippine National Police iti National Capital Region, Region 3 ken Region 4A, pakairamanan payen dagiti nakabase iti Camp Crame.