LAOAG CITY – Kalikagom ni ABC Federated Pres. Ryan John Pascua a maitandudo kadagiti amin a barangay ditoy probinsia ti “May Pera sa Basura program”.
Segun kenni Pacua, daytoy ti maysa a makitana a wagas tapno makatulong mangiyammo kadagiti barangay officials dagiti programa ti probinsia nga adda ti pakainaigan nati aglawlaw kangrunaan iti Solid Waste Management.
Inbatadna a babaen iti daytoy ket masuportaran no ania dagiti kangrunaan a programa ni Gob.Cecilia Arenata Marcos ken ti sibubukel a gobierno probinsial.
Inannugotna a dakkel a problema agingga kadagitoy a gundaway ti pannakaiwarang dagiti basura iti nagduduma a paset ti probinsia.
Kanayatanna, kunana a babaen kadaytoy a programa ket inpatungpalna ti “best practices” iti nasayaat a pannakaiwanwan dagiti basura.
