LAOAG CITY – Pabor ni ABC Federated President Elmer Faylogna ditoy probinsya iti pammilin ni Presidente Rodrigo Duterte a pawilan a rumuar dagiti kakapitan dagiti kabarangayan da a saan pay a nabakunaan kontra iti covid-19.
Inbatad na a napintas unay ti nagbalin a direktiba ti presidente gapu ta matulungan dagiti umili a maiyadayo iti covid-19 virus.
Kuna pay ni Faylogna a pagsayaatan met laeng dagiti residente a saan pay a nabakunaan kontra iti covid-19 ti kalikagom ni Presidente Duterte.
Inpakaammo ni Faylogna a manarimaanen ti panagsasarita da kadagiti pada na a kakapitan ditoy probinsya daytoy a banag.
Innayon na a nakasagana da a mangiyimplementar ti pammilin ni Presidente Duterte.
