LAOAG CITY – Gutgutigoten ni ABC Federated Pres. Ryan John Pascua dagiti umili a makipagpaset kadagiti aktibidad dagitoy kangrunaanna iti “blood letting activity.”
Kunana a mangisayangkat ti gobierno probinsial ti Ilocos Norte ti “blood letting activity” babaen iti kooperasion ti Philippine Red Cross.
Ginutigotna dagiti amin nga umili manipud iti nagdumaduma nga ili a makipagpaset iti nasao nga aktibidad.
Inbatadna a ti idonar dagitoy a dara ket dakkel a tulong para iti pannakaiyatiddog ti biag dagiti agkasapulan.
Mangnamnama ni Pascua a maipamatmat manen ti napintas a panagtitimpuyog dagiti umili babaen iti nadakamat nga aktibidad.
