LAOAG CITY – Desidido ni ABC President Elmer Faylogna iti ili ti Bangui a mangipila ti kaso kontra kadagiti natiliwan da a naggi-inum ken nagpost iti saan a napintas a sarita iti social media.
Ummuna iti daytoy, naaktuan na a naggi-inum ti nasanger dagiti sumagmamano a residente iti Barangay San Lorenzo .kabayatan ti panagronda rason nga intawag da iti PNP iti nasao nga ili.
Segun kenni Faylogna, nasakit ti rikna na gapo ta ti maysa kadagiti natiliw ket nagpost pay iti social media ti nasasakit a sarita kontra kenkuana ken iti DSWD.
Daytoy ket seknan pay laeng iti Social Amelioration Program (SAP) a tulong ti gobierno gapo iti Covid-19.
Kunana a babaen ti regular filing ket ipila da ti kaso a panaglabsing iti ECQ ken ti cyber bullying.
Inlawlawag na nga idi napukawen ti impluwensya ti nasanger kadagiti natiliw ket naamiris da ti inaramid da ngem nagtalinaed ti takder ni Faylogna a pilaan ti kaso dagitoy tapno saan a mapatunuynuyan.
