LAOAG CITY – Gutgutiguten ni ABC President George Padre iti ili ti Bacarra dagiti dadduma pay a barangay a mangiyestablisar met ti Community Pantry.
Daytoy ket kas paset ti tulong kadagiti agkasapulan a kabarangayan iti daytoy a panawen ti pandemya.
Segun kenni Padre, naiyestablisar a community pantry iti Barangay 3 iti nasao nga ili babaen itipanagtitinnulong dagiti bumarangay ken adda dagiti nagidonar ti kwarta a paggatang kadagitoy.
Kunana a dagiti kabangibang a barangay ket mabalin a mapan mangala ti kasapulan da iti naipatakder a community pantry nangruna ket awan met pay iti agdama ti nangiyestablisar iti ili da.
Innayon na a no adda ti sobra a produkto a mabalin nga idonar iti community pantry ket silulukat da a mangawat ken mabalin met latta a mangala dagiti maseknan ti kasapulan da.
Naamoan a ti community pantry iti nasao a barangay ket isu ti kaunaan iti intero nga Ilocos Norte.
