LAOAG CITY – Kapilitan a maikumit iti pagbaludan ni ABC Pres. Errol Caliboso ti Bgy. Baduang iti ili a Pagudpud no saan nga insigida a makapagpiyansa.
Daytoy ti inbatad ni P/S/Inps. Laurence Ganuelas, Chief of Police ti nasao nga ili.
Segun ken ni Ganuelas, 36 a ribo a pisos ti nairekumendar a pagpiyansa ti akusado.
Kuna na a daytoy ket gapu ti kaso na a “grave treath” a naipila kontra kenkuana baabaen ti karruba na.
Agpapan panakaisursurat daytoy a damag ket saan pay a nakapagpiyansa ti aksuado.
Natiliw ni Calibuso iti Pob. 2 iti nasao nga ili babaen ti PNP-Pagupud ken ti PNP-CIDG.
